රැයේ පියකරු සිනමා දසුන් මත
මිහිරිම මතක රදවමි
නුබේ අත් අල්ලගෙන ඇවිද ගිය තැනක ඉදහිට
දැනුදු සිත නවතමි
මිහිරිම මතක රදවමි
නුබේ අත් අල්ලගෙන ඇවිද ගිය තැනක ඉදහිට
දැනුදු සිත නවතමි
මේ සිහිනයක්මදැයි විමසන වරෙක සිත
දිගුකල හැකි දුරට අත පා බලමි
සයනයෙහි මුව හොවා දිගු රැයක
කෙටි සිහින පෙල ගසමි
දිගුකල හැකි දුරට අත පා බලමි
සයනයෙහි මුව හොවා දිගු රැයක
කෙටි සිහින පෙල ගසමි
වා කවුලු හිදැසකින්
දුර ඈත සද දකිමි
තරුවකට ලන් වෙන්න
නොහැකි බව මම දනිමි
දුර ඈත සද දකිමි
තරුවකට ලන් වෙන්න
නොහැකි බව මම දනිමි
දිගු සුසුම් කදුලු වැහි
අතර බොදවන සද බලමි
සුව සිහින අතර නුබ නිදන බව සිත සිතා
දිගු රැයක් කෙටි කරමි
අතර බොදවන සද බලමි
සුව සිහින අතර නුබ නිදන බව සිත සිතා
දිගු රැයක් කෙටි කරමි
සිනාබර නුබේ වත අලුත් වූ නුබේ ලොව
මොහොතකට සිහි කරමි
අරුණු නැගෙනා හෙට
අලුත් දවසකට දිරි ගනිමි
මොහොතකට සිහි කරමි
අරුණු නැගෙනා හෙට
අලුත් දවසකට දිරි ගනිමි
දුක හිතෙන්නෙම නැත්ද දැන් ඔයාට
අසනා අයෙකු ලග මොහොතකට ගොලුවෙමි
ජීවිතේ හැටි ඔහොමයි
දහස් වර මියැදෙමින් ලෝකයක් රවටමි
අසනා අයෙකු ලග මොහොතකට ගොලුවෙමි
ජීවිතේ හැටි ඔහොමයි
දහස් වර මියැදෙමින් ලෝකයක් රවටමි
No comments:
Post a Comment